Matuto pa tungkol sa dengue

Ayon sa World Health Organization, tinatayang aabot sa 3.9 bilyong tao sa buong mundo ang nasa panganib na magkaroon ng dengue. Kumakatawan ito sa 50% ng populasyon ng mundo.

Maaaring magdulot ang dengue ng mga sintomas na katulad ng sa trangkaso. Kabilang na rito ang lagnat, pag-ubo, pamamaga ng lalamunan at pananakit ng katawan. Nagmumula ito sa kagat ng lamok na may dengue virus. Ang virus ay kumakalat sa pamamagitan ng kagat ng mga nahawaang lamok.

Nagkakaroon ng dengue ang mga tao sa pamamagitan ng kagat ng isang lamok na nahawaan at nagtataglay ng dengue virus. Tinatawag na aedes aegpyti ang partikular na uri ng lamok na ito at kadalasang nagdudulot ng dengue infection.

Matatagpuan ang dengue sa mga rehiyon kabilang ang Africa, Americas, Eastern Mediterranean, South-East Asia at Western Pacific. Mas mataas ang posibilidad na magkaroon ng dengue ang sinumang nakatira o naglalakbay sa mga lugar na ito.