May banta ng panganib ang paglalakbay sa anumang bahagi ng mundo na may maraming kaso ng dengue. Maaaring magsagawa ng ilang mga hakbang upang maiwasang makagat ng mga lamok.
Bago maglakbay, suriin ang mga abiso at babala at rekomendasyong pangkalusuganupang matukoy ang nakaambang panganib. Maaari mong bisitahin ang website ng sarili mong gobyerno, ng World Health Organization, US Centers for Disease Control and Prevention, o ang European Center for Disease Prevention and Control.
Maging listo sa iyong kapaligiran
Mapa-lungsod man o kanayunan, maaaring tumaas ang mga kaso ng dengue sa panahon ng tag-ulan.1, 2 Isaalang-alang ang mga ito sa iyong paglalakbay.
Ugaling gumamit ng insect repellent
Inirerekomenda ang paglalagay ng mga insect repellant na may 50% DEET. Samantala, ma inam naman para sa mga bata ang mga produktong may 15-30% DEET. Mayroon ding mga produktong walang DEET na nakalaan sa mga batang kapapanganak pa lamang hanggang dalawang buwang gulang.3
Magsuot ng maluluwag na damit na nakatakip sa iyong mga braso at binti
dahil maaaring lumusot ang kagat ng lamok sa masisikip na kasuotan. Maaari ring lagyan ang iyong damit ng permethrin, isang insecticide na pumapatay o nagtataboy ng lamok.4 Siguruhing natatakpan ang iyong mga paa ng medyas at sapatos, kaysa magsuot ng bukas na sandals.
Gumamit ng kulambo sa pagtulog
Mas mainam gamitin ang kulambo na ginamot na ng pamatay-insekto.
Maaaring magdulot ng dengue ang kagat ng lamok tuwing gabi
kaya’t protektahan ang iyong sarili sa lahat ng oras.5