Walang gamot sa dengue, ngunit posibleng mabigyang-lunas ang mga sintomas nito.1 Sakaling makaranas ng banayad na sintomas, maaari kayong magpagaling sa inyong tahanan. Samantala, kinakailangan namang kumonsulta sa doktor o healthcare professional lalung-lalo na ang mga taong nakararanas ng mas malubhang kaso.2
Inirerekomenda ng World Health Organization:
Gawin:
Humingi ng payo sa iyong doktor na maaaring magrekomenda ng tests upang matiyak na dengue ang sanhi ng iyong nararamdaman.
Uminom ng maraming tubig
Magpahinga hangga't maaari
Uminom ng acetaminophen o paracetamol para maibsan ang lagnat, sakit ng ulo at pananakit ng katawan
Huwag:
Ipagsawalang-bahala ang warning signs ng dengue, tulad ng pananakit ng tiyan, pagsusuka at pagdurugo
Uminom ng aspirin o ibuprofen dahil maaaring magdulot ito ng pagdurugo
Sa banayad na kaso ng dengue, inaasahan ang pagbuti nang pakiramdam sa loob ng isang linggo.2
Huwag makagat ng lamok sa panahon ng pagkakasakit. Kung makagat ka ng lamok, maaari itong makahawa sa ibang tao.3
At tandaan, panatilihin ang pag-iingat laban sa denguedahil maaari kang magkaroon ng dengue infection nang higit sa isang beses.4